موږ پوهېږو چې دا ټول (غذا، تمرین او سوداګري) ستاسو لپاره ښه دي. خو هغه شیان چې کولای شي ستاسو ژوند لنډ کړي، له فکر څخه مه غورځوئ.
۱: د اوږدې مودې لپاره ناسته: څېړنو ښودلې چې په دوامداره توګه په ورځ کې له دریو ساعتونو څخه زیاته ناسته کولای شي ستاسې له ژوند څخه دوه کلونه کم کړي.
۲: ډېر خوب کول یا کم خوب کول: زمونږ څخه ډیری د خوب کولو سره مینه لري مګر ډېر خوب ستاسو لپاره ښه نه دی. د هارورډ څېړنو ښودلې ده: هغه خلک چې په یوه شپه او ورځ کې د (5) څخه کم او د (9) ساعتونو څخه زیات خوب کوي د عمر موده کمېدای شي. همدارنګه تاسې به په دفتر کې ځورونکي اوسئ او هیڅوک دا ډول سړی نه خوښوي. په یو شپه او ورځ کې د 7 څخه تر 8 ساعتونو پورې خوب کول کافي دی.
۳: د یوازې توب احساس کول (یواځې اوسېدل): څېړنو ښودلې چې د قوی اجتماعي اړیکو لرونکي د ژوندي پاتې کېدو د 50 فیصده ډېر احتمال لري. ګوښه کېدل او یوازئ اوسېدل دومره بد دي لکه په ورځ کې د ۱۵ سګرټو څکول.
۴: خفه اوسېدل: خندا روغتیا لپاره پراخه وده ورکوي نو خندا مه پرېږدئ هغه خلک چې تل خاندي او خوښي کوي د هغو خلکو په پرتله چې خندا نکوي او خفګان کوي، 35 فیصده احتمال لري چې اوږد ژوند وکړي.
۵:د جنسي اړیکو نه درلودل. څېړنو ښودلې هغه نارینه یا ښځینه چې د خوښې وړ جنسي ژوند لري، د هغه چا په پرتله چې د خوښې وړ جنسي ژوند نلري، ۸ کاله اوږد ژوند کوي.
۶: د هارورډ بوفینز د وینا مطابق: یوازې دوه ساعته د ټلویزیون لیدل کولای شي د ډېرو بدبختیو لامل شې. د 25 کلنۍ وروسته هر یو ساعت چې تلوویزون ګورئ ستاسو د ژوند اټکل 21,8 دقیقو ته راټیټیږي.
Be the first to comment