د کالیفورنیا سان فرانسیسکو پوهنتون ساینپوهان له لس کاله خوارۍ وروسته بالاخره بریالي شول او مصنوعي ګرده یې سازه کړله.
دغه مصنوعي ګرده چې د انسان په موټي کې راتللی شي، د انسان بدن ورته ځای ورکوي، د وینې پاکولو پروسه سمه پر مخ وړي او هېڅډول اضافي درملو ته اړتیا نه لري.
دغه ګرده د انسان په بدن کې پیوندېږي او ناروغ د وینې د پاکولو (هیمودیالز) له دوامداره او ستونزمنې پروسې خلاصوي.
ویل کېږي چې دا ګرده به د وینې په لوړ او ټیټ فشار کې کار کوي.
سره د دې چې پروژه بشپړه شوې، خو اوس هم په ځینو برخو کې بدلونونو ته اړتیا شته او له دې وروسته ښايي د انساني تجربې پړاو تهورسېږي.
تر اوسه د دې مهم مصنوعي انساني غړي د بیې په اړه څه نه دي ویل شوي.
Be the first to comment