نړۍ جوړول / پاولو کویلو

پلار لګیا و ورځپاڼه یې لوسته او زوی به یې تل مزاحمت ورته کاوه.

پلار یې د بچي له مزاحمته د ځان خلاصولو لپاره د ورځپاڼې یوه پاڼه وشکوله، په دې پاڼه د نړۍ نقشه رسمه وه، پاڼه یې څو ټوټې کړه اوزوی ته یې ورکړه. ورته یې وویل:

– اوس ته هم ځان بوختولای شئ، که دې دا ټوټې سره بېرته یو ځای کړې، د نړۍ نقشه سازولای شې، اوس به دې وګورم چې ته دا کارکولای شې که نه؟

پلار بېرته د ورځپاڼې په لوست بوخت شو او زړه کې ښه ډاډه و چې د نقشې بېرته سازول به یې زوی ښایسته شېبه بوخت وساي، خو پهحیرانۍ ګوري چې څو شېبې وروسته ماشوم نقشه سازه کړې ده.

پلار ترې پوښتنه وکړه:

– په نقشې جوړولو کې دې درسره مور مرسته وکړه؟

ماشوم وویل:

– زه په نقشې بیخي پوه نه شوم، خو د پاڼې په شا د یوه سړي عکس و، ما هغه سړی ساز کړ، دنیا ورسره پخپله سازه شوه.