اي پي ایل (IPL) د کرېکټ هغه سیالۍ دي چې د هند ترڅنګ ورته د ټولو هیوادونو مینه وال په تمه وي. د هر کال په لومړیو کې پيل کېږي او د ټيمونو شمېر ته په کتو دوام کوي. د ۲۰۲۳ کال اي پي ایل سیالۍ به هم د مارچ په میاشت کې پيل شي، خو له هغې مخکې ټولې لوبډلې او مینه وال د لوبغاړو بولۍ ته په تمه دي.
د هند کرېکټ بورډ د ۲۰۲۳ کال لپاره د اي پي ايل سیالۍ پلان کړي دي او د دې خوندورو لوبو لپاره یې چمتووالی له اوسه پيل کړی دی.
د ۲۰۲۳ کال د اي پي ایل د بولۍ نېټه
د ۲۰۲۳ کال د اي پي ایل لپاره د لوبغاړو بولي به د را روان (۲۰۲۲) کال د ډسمبر په شپاړسمه نېټه په بنګلور کې پيل شي. ویل کېږي چې په دې بولۍ کې نږدې ۶۵۰ لوبغاړي وړاندې شي.
د بولۍ لپاره به څومره بودیجه ورکول کېږي؟
دا ځل به هم سیالۍ په هغه فارمټ کې کېږي چې له کرونا مخکې کېدلې. تېر کال ټولو لس لوبډلو د لوبغاړو په بولۍ ۵۵۱٫۷ کروړه هندي کلدارې مصرف کړې وه. اېشن کېشن چې د ممبي انډين لپاره لوبېده د تېر کال قیمتي لوبغاړی و چې په ۱۵٫۲۵ کروړه هندي کلدارې پلورل شوی و.
سږ کال به هرې لوبډلې ته د بولۍ لپاره د ۹۵ کروړه هندي کلدارو د مصرف اجازه وي. تېر کال هر ټیم ته ۹۰ کروړه اجازه وه چې سږ کال یې ۵ کروړه پرې زیاته کړې ده.
بولي به کوم چېنلونه خپروي؟
سږنۍ بولي به هم د هند سټار سپورټ نېټورک نشروي، البته که نور چېنلونه یې ترې په قانوني ډول واخلي، هغوی به یې هم د خپرولو اجازه ولري.
سږ کال به څو ټیمونه وي؟
سږ کال به د اي پي ایل په سیالو کې لس ټيمونه لوبېږي:
- کلکته نایټ رایډرز
- چېنای سوپر کېنګ
- ډيلي کاپیټلز
- ګجرات ټایټنز
- ممبئ انډینز
- لکنو سوپر جئینټس
- راجستان رایلز
- سن رایزر حیدرآباد
- رایل چیلنجرز بنګلور
Be the first to comment